Peterer

Annemarie Peterer-Künzler, isch uf äme Buurehof z Urnäsch AR ufgwachsä. Noch erne Schulziit hät Sie im Gastgwerb als Serviertochter gschaffed.  

Dei het Sie denn au eren zukünftige Ma de Paul Peterer kenne ond liebe glehnt.  E het Sie uf d Alp igelade, wels ere ase gfalle het, isch Sie gad blebe. 

So ischt d Annemarie Peterer is «Zythus» z Unterschlatt im Bezirk Schlatt Haslen AI cho. S gross, alt Huus stoht onde Hemetschutz und trägt de Name Zythus, wel sich früenne am Scheem e Sonneuhr ghange isch. D Annemarie ond de Paul hürotet ane 1984 ond e Johr spöter ischt de Sohn Chläus uf d Wölt cho. Denn d Anja (1987), de Sepp (1991) ond de Samuel (1993). 

Zom «Zythus» köhrid rond 13 Ha Land. Peterers haltit öpe 20 Küeh und 10 Jungvech. Sit diö zwä verhürotet sönd, stönds mitenand am 4.45 Uhr uf und gönd in Stall. Während d Annemarie mölchet, fuetteret de Paul d Kühe und trenkt d Kälbli. Die Arbeitsufteilung gfallt de Büüri. Mölche tuet Sie unheimlich gehn. Dezue schätzt Sie de Omgang mit de Tier. 

Tiere

Uf de Alp lebit im Sommer en huufe Tier ond ali dörid sich frei bewege  (osset d Saue) 

20 Chüe, 10 Chälbli und Rindli, de Hond Beno, Katze, Henne ond au Chüngeli hets bi ös wo frei ommelaufid.